Entertainment

Dawie de Jager beïndruk met treffende nuwe enkelsnit!

Dawie de Jager beïndruk met treffende nuwe enkelsnit!

Het jy al Dawie de Jager se splinternuwe enkelsnit gehoor? Dis fantasties!

Aanhangers van die talentvolle Dawie de Jager weet dat hy is beslis geen onbekende gesig in die Suid-Afrikaanse musiekbedryf is nie. Nie net is hy bekend as lid van die bekende Afrikaanse musiekgoepe Klopjag en Die Tuindwergies nie, maar hy net ook meer onlangs die ‘oor’ van Bobby van Jaarsveld en The Voice SA-aanhangers gedurende die tweede seisoen van dié realiteitsprogram gevang.

Dawie is ook die kreatiewe komponis agter die klankbane van verskeie lokettreffers, waaronder Roepman, Sy Klink Soos Lente, Jonathan, Verraaiers en is tans ook besig met Stroomop.

Nóú is hy weer in die kollig, dié keer met sy splinternuwe enkelsnit uit sy eie pen, Beyond Infinity, wat pas bekendgestel is.

Die musikant, met sy kenmerkende hoedjie, se diep storievertellerstem is genoeg om enige luisteraar hoendervleis te gee. Beyond Infinity is propvol emosie en sal jou onmiddellik laat besef hoeveel liefde Dawie het vir dit wat hy doen. En wees maar gewaarsku. Die meeslurende wysie gaan beslis in jou kop vassteek.

“Ek hou baie daarvan om vir die sterre te kyk en is daai ou wat ’n wens sal maak op ’n ster wat val. Die liedjie gaan daaroor dat as ons almal sterre was, wat val en uitbrand, ek eerder saam met iemand wil val vir wie ek lief is as alleen. Ek het die liedjie geskryf en op ’n stadium gevoel dit kort net so ’n bietjie afronding. Toe span ek my ouboet, Sallas, in om net als te laat sin maak,” vertel hy oor hierdie Engelse treffer wat hom na aan die hart lê. “Ek is baie trots op die lied se lirieke en melodie. Dit beklemtoon my stem se register en het die organiese orkesklank waarvan ek hou.”

Dawie vertel dat jy homself nie tot ’n spesifieke taal en genre met sy musiek wou bind nie en het dus besluit om vir ’n slag van sy Engelse werk met luisteraars te deel, nadat sy deelname aan The Voice vir hom soveel nuwe aanhangers besorg het.

“Ek dink dit is verseker een van die beste liedjies wat ek al geskryf het. ’n Mens dra maar jou hart op jou mou as jy so jou eie liedjies deel,” verklap hy. ’n Albumvrystelling word ook vir die nabye toekoms beplan.

As kind het dié talentvolle sanger in ‘n sportiewe huis grootgeword, maar daar was altyd plek vir musiek. Sy ouers het selfs vroeër jare musiekaande by Bronkhorstbaai gehou en dan het bekende name soos Lucas Maree, Anton Goosen en Laurika Rauch kom saamkuier. Alhoewel hy nie toe veel daarvan gemaak het nie, het die gogga hom tog later gebyt toe hy in graad 10 sy eerste kitaar gekry en ’n band begin het. Aan die einde van graad 12, het by die musiekgroep Klopjag ingeval en vanjaar is reeds sy sestiende in die bedryf.

Alhoewel die groep steeds na al die jare optree en selfs al ’n draai in Engeland gaan maak het, het hy ook in 2009 by Die Tuindwergies aangesluit saam met wie hy by feeste soos Jacaranda Day opgetree het. Sedertdien het hy ook naam gemaak as rolprentmusiekregisseur en -komponis en het hy al agt rolprentklankbane gekomponeer.

Damien Rice, Bruce Springsteen, U2, Cat Stevens, Pearl Jam, Koos du Plessis, Koos Kombuis, Valiant Swart en Lucas Maree is almal kunstenaars vir wie hy groot bewondering het en hy meen dat dit fantasties sou wees om eendag saam met name soos Art Matthews, Karen Zoid, Dan Patlansky, Francois van Coke en David Kramer te werk.

“Ek kan nie sing oor toeters op waterskoeters en goed waarvan ek niks weet nie. So ek hou maar daarvan om te skryf oor die lewe wat ek ken en ervaar. Verder vind ek ook aanklank by musiek en skrywers wat my laat voel asof alles waaroor hulle sing ook van toepassing op my lewe is en wat nie bereid is om hulle integriteit prys te gee nie,” erken hy.

As hy enige ander beroep moes kies, sou hy graag ’n argitek wou wees omdat hy baie van skeppende werk hou.

“Die musiekbedryf het my geleer om dat daar nie kortpaaie is nie en dat jy hard moet werk vir wat jy wil bereik. Ek het ook besef dat niks ooit belangriker as jou gesin is nie.”

Dawie glo dat wanneer woorde en prentjies nie meer kan sê hoe jy voel nie, musiek jou sal dra en dit is baie waar oor sy eie werk.

Kry die liedjie op iTunes en Google Play:

iTunes

Google Play 

 

October Spoil

Welcome summer with an extraordinary rosé.

is a national brand of premium free magazines available in centres across the country.

Click here


to see other Get It magazines in the network.